على حد الزمن باتت دموع الورد مسفوحه
.وامسى ليلها مظلم ولا نجمه بسماها تلوح
لمست الورد بيديني ..رحمته من كثر نوحه
بغيت امسّح دموعه وصار الكف منها اجروح
حزينة لمسة الوردة ودمعن ما يبي روحه
حتى الشوك بغصونه يشاكيها بكثر النــــوح
وين الورد بالوانه ؟وينه عطره وفوحه؟
. وين الضحك بشفاهن تناجي وردها وتــــروح؟؟
الا يا دمع يا ظالم ترى الاحزان مفضوحه
تبيّن في عيون الورد لي صار القلب مجــروح
رحت اواسي ورودي وانا لي روح مجروحه
وتشاكينا هموم ازمان امسى حزنها مسمــــوح
حرام الدمع يغشانا وننسى الوقت بفروحه
ترى الاحزان ياوردي مالك في مــداها ربــوح
اذا وقتي غدى ضدي ووقتك هارت اصروحه
لا تشكيني واشكيلك ترى راعي الهوى مفضوح
الا يا وقتي القاسي ظلمك طالت اشروحه
وغدى همي انا ووردي على عين الملا مشروح
كثير الهم في قلبي ووردي هاظت اجروحه
كريم الوقت باحزانه ..لكن فرحته بشحــــوح