على حد الزمن باتت دموع الورد مسفوحه
.وامسى ليلها مظلم ولا نجمه بسماها تلوح
لمست الورد بيديني ..رحمته من كِثر نوحه
بغيت امسّح دموع الحب وصار الكف منها اجروح
حزينة لمسة الوردة ودمعن ما يبي روحه
وحتى الشوك بغصونه يشاكيها بكثر النــــوح
وين الورد بالوانه ؟وينه عطره وفوحه؟
. وين الضحك بشفاهن تناجي وردها وتــــروح؟؟
الا يا دمع يا ظالم ترى الاحزان مفضوحه
تبيّن في عيون الورد لي صار القلب مجــروح
رحت اواسي ورودي وانا لي روح مجروحه
وتشاكينا هموم ازمان امسى حزنها مسمــــوح
حرام الدمع يغشانا وننسى الوقت بفروحه
ترى الاحزان ياوردي مالك في مــداها ربــوح
اذا وقتي غدى ضدي ووقتك هارت اصروحه
لا تشكيني واشكيلك ترى راعي الهوى مفضوح
الا يا وقتي القاسي وظلمك طالت اشروحه
غدى همي انا ووردي على عين الملاء مشروح
كثير الهم في قلبي ووردي هاظت اجروحه
كريم الوقت باحزانه ..ولكن فرحته بشحــــوح